Thursday, 24 May 2018

Massive Demonstration against Modi government in Chennai Chepauk by all unions on 23-05-18:The Chennai Telephones


NFTE & NFTCL தோழர்கள் மோடி அரசுக்கு எதிராக நடைபெற்ற ஆர்ப்பாட்டத்தில் பெருந்திரளாக கலந்து கொண்டனர்.இதனை AITUC , CITU, NFTE, AIBEA இன்னும் பல தொழிற்சங்க அமைப்புகள் ஏற்பாடு செய்திருந்தனர். நமது தலைவர்கள்  S. Palaniappan, Subbarayan, Ashokraj, TRR, Nagarajan, Sendhil, Babu, Elangovan, Sampath Kothanda Babu, Solairaj, Sathya, Selvaraj, Vetri Selvan, Sundaramurthy, Suresh, Paneer Selvam இன்னும் பலர் கலந்து கொண்டனர். தோழர்.வி.கே.ஜி.கோஷங்களை எழுப்பினார்.
Image may contain: 4 people, including Kamaraj Sengulathan, people standing, crowd and outdoor
Image may contain: 14 people, including Kothanda Babu, Subbarayan Lakshman and Babu Varadharaj, people smiling, people standing
Image may contain: 11 people, including Kothanda Babu and Subbarayan Lakshman, people smiling, people standing
No automatic alt text available.
Image may contain: 6 people, crowd, sky and outdoor
Image may contain: 4 people, including Kamaraj Sengulathan, people standing, crowd and outdoor
Image may contain: 6 people, crowd and outdoor

Wednesday, 23 May 2018

தயாராவோம்......தோழர்களே!!



 AUAB இன்று நடைபெற்ற கூட்டத்தில்  (23-05-18) வரும் 28-05-2018 அன்று டவர் கம்பெனி அமைப்பதை எதிர்த்து ஆர்ப்பாட்டம் மற்றும் வெளிநடப்பு செய்ய அறைகூவல் விடுத்துள்ளது.

வரும் 28-05-2018 அன்று  BSNL Board of Directors கூட்டம்  ஹைதராபாத் நகரில் நடைபெற உள்ளது.  BSNL  2000 October-ல் உருவானபோது அனைத்து டைரக்டர்களின் கூட்டம் டெல்லியில்  நடைபெற்றது, ஆனால் இன்று டெல்லியைவிட்டு வெளியிடத்தில் நடத்திட  நிர்வாகம் முடிவு செய்துள்ளது, அதேநாள் தொலைதொடர்பு இலாகா டவர் கம்பெனிக்கு நியமிக்கப்பட்ட திரு.அமித் யாதவின் இயக்குனர் பதவியை அங்கீகரிக்கும் விதமாக இந்த அவசர இயக்குனர்கள் கூட்டம் நடக்க இருப்பதாக நமது அதிகாரிகள் மற்றும் ஊழியர் கூட்டமைப்பு கருதுகிறது. இது அரசின் நரிதந்திரமாகவே தெரிகிறது.

இதனை எதிர்க்கும் விதமாக நமது சங்கங்கள் ஒன்றிணைந்து அதேநாள் ஹைதராபத்தில் மாபெரும் பேரணி நடத்த முடிவு செய்துள்ளது.

அதே சமயத்தில் மற்ற மாநிலங்களின்  அனைத்து பகுதிகளிலும் மாபெரும் கண்டன ஆர்ப்பாட்டம் மற்றும் வேலையிலிருந்து வெளிநடப்பு செய்யவும் முடிவு செய்யப்பட்டுள்ளது. இதனை முடிவு செய்ய அனைத்து சங்கங்ளின் மாநிலச் செயலர்களும் நாளை மறுநாள் 25-05-18 கூடி முடிவெடுக்க உள்ளனர். 

நம்முடைய   மாநில பொதுக்குழு வரும்24-05-18 அன்று நடைபெறும் என மாநிலச் சங்கம் அறிவித்துள்ளது.

தோழர்களே!! நடைபெற இருக்கும் போராட்டங்களை வெற்றிகரமாக நடத்திட அனைத்து தோழர்களும் ஒத்துழைக்க வேண்டுகிறோம். 

குருதியில் நீந்தும் காலம்




சுடுடா சுடு

நிராயுதபாணிகளை
நெஞ்சுக்கு நேராகச் சுடு..
குண்டுகள் வீணாக்காமல் சுடு..

பத்துக்குண்டுகளுக்கு
பத்துப்பேர் விழ வேண்டும்..

முதலில் ஆகாயத்திற்கு நேரே சுட வேண்டியதில்லை
முதலில் முட்டுக்கு கீழே சுட வேண்டியதில்லை..
கண்ணீர் புகைக் குண்டுகள் வேண்டியதில்லை..

வீண் செலவுகளை தவிர்க்கவேண்டும்
துப்பாக்கியை நெஞ்சுக்கு நேரே உயர்த்து
மக்கள் சாகப்பிறந்தவர்கள்
வாழ்வதற்காக சாகப்பிறந்தவர்கள்

சுடுடா மறுபடி சுடு
குருவிகளை சுடுவதென்றால் கூட
குறிபார்க்கவேண்டும்..
மிருகங்களை சுடுவதென்றால் கூட
மறைந்து காத்திருந்து சுடவேண்டும்..

மக்களைச்சுட எதுவுமே தேவை இல்லை
எதிர்த்து நிற்பவர்கள் நெஞ்சில்
ஈய ரவைகளை செலுத்து
அவர்கள் அதை புரிந்துகொள்வதற்குள்
தம் நெஞ்சில் வழியும் குருதியைக்கண்டு
அவர்கள் வியக்கும்படி
அத்தனை விரைவாய் சுடு...

மக்கள் நச்சுக்காற்றை எதிர்த்துப்போராடினார்கள்
கேன்ஸரை எதிர்த்துப்போராடினார்கள்
கருவிலிருக்கும் தம் குழந்தைகள்
ஊனமடைவதை எதிர்த்துப்போராடினார்கள்
எளிய மக்கள் தாங்கள் நஞ்சாகக்கப்படுகிறோம்
என்று அறிந்த நாளில் தெருவுக்கு வந்தார்கள்
பின்னர் அவர்கள் வீடு திரும்பவே இல்லை...

இப்போது துப்பாக்கிக்குண்டுகளால்
அவர்களுக்கு ஒரு பாடம் கற்பிக்கப்பட்டிருக்கிறது
ஒரு பதினேழு வயது சிறுமி
ஒரு அறுபட்ட புறாவைபோல
ரத்த வெள்ளத்தில் மிதந்துகொண்டிருக்கிறாள்
இன்னும் சூடு அடங்காத அவளது உதடுகள்
எஞ்சிய முழக்கங்களை முணுமுணுக்கின்றன..

திறந்த கண்களுடன்
ஒரு இளைஞன் கைகளை விரித்தபடி
வீழ்ந்துகிடக்கிறான்
அவன் மனைவி மார்பில் விழுந்து கதறுகிறாள்
அவள் நெற்றியில் துப்பாகிக் குருதி
குங்குமம் போல பரவுகிறது
இப்படித்தான் நீதி கேட்கப்படுகிறது...

இந்த அந்தியின் வெளிச்சம்
குருதிவண்ணத்தில் இருக்கிறது
இந்த அந்தியின் காற்றில்
குருதியின் உப்புக் கரிக்கிறது..

பத்துப்பேர் இறந்துவிட்டார்கள்
இன்றைய இலக்கு நிறைவடைந்ததா?திரும்பிச்செல்லுங்கள்
உங்கள் முதலாளிகள்
இன்றிரவு நிம்மதியாகக் குடிப்பார்கள்
உங்களுக்கு ஆணை பிறப்பித்தவர்கள்
இன்றிரவு நிம்மதியாக புணர்வார்கள்

ஊரில் பத்துவீடுகளில்
சாவின் அதிகாரம் நிரம்பியிருக்கிறது
பத்து சவ ஊர்வலங்கள்
ஒரே நேரத்தில் கிளம்புகின்றன
மக்கள் மனம் சிதறி அழுகிறார்கள்
இயலாமையுடன் சாலைகளை மறித்து
லத்தியால் அடிவாங்கி ஓடுகிறார்கள்

மக்களை இன்னும் 
எப்படி அச்சுறுத்துவதெனெ
வேட்டை நாய்கள்
ரகசியமாக கூடிப்பேசுகின்றன
பத்துப்பேரை கொல்லும் அளவு
தனக்கு அதிகாரம் இருப்பதைக் கண்ட தலைவன்
அந்தரங்க கிளுகிளுப்புடன்
நீலிக்கண்ணீர் வடிக்கிறான்

நமது காலம் நெருப்பில் நீந்துகிறது
நமது காலம் கண்ணீரில் நீந்துகிறது
நமது காலம் குருதியில் நீந்துகிறது

அடுத்த வெடியோசைக்கு மக்கள் காத்திருக்கிறார்கள்.
தங்களை ஆயத்தப்படுத்திக்கொள்கிறார்கள்.
எதற்கு என்று கேட்காதீர்கள்.
மக்கள் தங்களை வன்மத்துடன்
ஆயத்தப்படுத்திக்கொள்கிறார்கள்

-மனுஷ்ய புத்திரன்

Monday, 21 May 2018

சிறப்புடன் நடந்த தோழர்.நாகராஜன் பணிநிறைவு பாராட்டு விழா!!

 At Anna Road அண்ணா ரோடு தொலைபேசி நிலைய வளாகத்தில் இன்று  21-05-2018 தோழர்.நாகராஜன் தென்மாவட்டச் செயலரின் பணிஓய்வு விழா மிகச் சிறப்பாக நடைபெற்றது. அதே தினத்தில் அவரது 60வது பிறந்த தினமும் கொண்ண்டாடப் பட்டது. கூட்டத்தில்  தலைமைப் பொது மேலாளர், மாநிலச் செயலர் சி.கே.மதிவாணன்,PGM( Central) / GM( West) மாநிலத் தலைவர் ராமசாமி மற்றும் தோழர்கள் இளங்கோவன், ரவி, ராசேந்திரன், கபாலி, தன்சிங், சி.கே.ரகுநாதன், சபாபதி,TR ராசசேகரன் மற்றும் தோழர்கள் சிறப்புரை ஆற்றினார்கள். . NFTCL தலைவர்கள் பாபு, மாரி, ஆனந்தன்,சம்பத்,அசோக்ராஜ் ஆகியோர் அவரது சங்கப் பங்களிப்பு பற்றி பேசினார்கள். மேலும் அகில இந்திய சங்கத்தின் உதவித் தலைவர் பழனியப்பன் தமிழ்மாநிலச் சங்க பொருளாளர் தோழர்.சுப்புராயன் ஆகியோர் வாழ்த்திப் பேசினார்கள்.





















Image may contain: 3 people, including Babu Varadharaj, people standing
Image may contain: 8 people, including Babu Varadharaj and Nagarajan Rajan, people smiling, people standing and indoor
Image may contain: 5 people, including Ragul Anandhan, people standing and outdoor
Image may contain: 10 people, including Ragul Anandhan and Elangovan Bsnl, people smiling, people standing
Image may contain: 4 people, people smiling, people standing
Image may contain: 9 people, including Babu Varadharaj and Ragul Anandhan, people smiling, people standing
Image may contain: 6 people, people standingImage may contain: 4 people, people smiling, people on stage and indoor

Thursday, 17 May 2018

வெற்றி மீது வெற்றி வந்து எங்களை சேரும் அதை வாங்கி தந்த பெருமையெல்லாம் தோழர்கள் CKM, S.ஆனந்தனை சேரும்

Related image
 சென்னை தொலை பேசி NFTCL வட சென்னை மாவட்டத்தில் உள்ள பூக்கடை கிளை HOUSE KEEPING தோழியர்களுக்கு இந்த மாதம் 17.5 2018 வங்கி பட்டுவாடா ரூ 3000/- போனஸாக இந்த ஆண்டு வழங்கப்பட்டுள்ளது என்பதை மகிழ்ச்சியுடன் தெரிவித்துக் கொள்கிறோம். இதற்கு முழுமுயற்சி எடுத்த பொதுசெயலர் தோழர்.சி.கே.மதிவாணன் மற்றும் தோழர்.ஆனந்தன் மாநிலச் செயலர் இருவருக்கும் நன்றியையும் பாராட்டுகளையும் தெரிவித்துக் கொள்கிறோம்.

Friday, 11 May 2018

சங்கமுழக்கம் என்றோர் கருத்தாயுதம்

சங்கமுழக்கம் சாமான்ய ஊழியனின் உரிமை முழக்கமாக தொடர்ந்து வெளிவருகிறது. வண்ணமயமான முன் பின் அட்டைப் படங்களுடன்
கண்ணைக்கவரும் வகையிலும் கருத்தாயுதமாகவும் வெளியிடப்படுகிறது.

சொல்லப்போனால் பல சங்கங்களின் மாநிலச்சங்க பத்திரிகைகளை பார்க்கும்போது நிறைந்த விஷயங்களுடனும் பல்வேறு தொகுப்புகள் அடங்கியதாகவும் வெளிவருவது நாம் அனைவரும் அறிந்ததே.  

ஆனால் இதில் வரும் செய்திகளும் ஆழ்ந்த சமூகம் சார்ந்த கட்டுரைகளும் முழுமையாக வாசிக்கப்படுகிறதா?  உள் வாங்கப்படுகிறதா? என்று ஓர் அச்சம் இருக்கத்தான் செய்கிறது. ஒரு இதழ் வெளிவர எந்த அளவிற்கு அதன் ஆசிரியர் விஷயங்களை தருவிக்க வேண்டும், ஆழ்ந்த சிந்தனையுடன் எழுத்தாக்கம் செய்ய வேண்டும், மற்றும் அதற்குண்டான பொருட்செலவு எந்த அளவிற்கு இருக்கும் என்பதையெல்லாம் அனைத்து தோழர்களும் சிந்திக்கவேண்டும். 
அதன் அடிப்படையில் வெளிவரும் சங்க முழக்கத்தின் தலைப்புச் செய்திகளின் தொகுப்பாக இதை சமர்ப்பிக்கிறேன்.

மே மாதம் 2018 சங்க முழக்கம்
செய்தி - 1 : பாரத் ரத்னா பீம்ராவ் அம்பேத்கர்.

65 ஆண்டுகளே உயிர் வாழ்ந்த டாக்டர். அம்பேத்கர் அவரது காலத்தில் அவருக்கு இணையாக கல்விகற்ற மற்றும் அறிவாளிகள் உலக அளவில் மிகச்சிலரே.

நாட்டின் தொழிலாளர் நலத்துறை அமைச்சராக அண்ணல் அம்பேத்கர் இருந்தபோது தான் எட்டுமணி நேர வேலை என்பது தொழிலாளருக்கு சட்டபூர்வமான உரிமையானது.
செய்தி - 2: மே தினவிழா -2018

ஆகஸ்ட் ஸ்பைஸ் ஆஸ்கார்நிபீ  சாமுவேல் பியல்டன் ஜார்ஜ் எங்கல்ஸ் ஆல்பர்ட் பார்ஸன் அடால்ப் பிஷர் மைக்கேல் ஸ்கவாப் லூயிஸ் லிங் ஆகிய எட்டு தலைவர்களே மே தின தியாகிகளாக உலகெங்குமுள்ள உழைக்கும் மக்களால் கடந்த பல ஆண்டுகளாக நினைவுகூறப்படுகிறார்கள்.

இவ்வாண்டு மே தினத்தில் நாம் BSNL நிறுவனத்தை பாதுகாக்கவும் அரசும் நிர்வாகமும் கூட்டாக சதி செய்து நமது நிறுவனத்தை நிர்மூலமாக்கிட முயல்வதை முறியடிக்கவும் உறுதிபூணுவோம். 11 ஆண்டுகள் கழிந்த பிறகும் ஊழியருக்கு ஊதிய மாற்றம் தராமல் தாமதிக்கும் அநியாயத்தை முடிவுக்கு கொண்டு வரவும் உறுதியேற்போம். 

செய்தி-3 ஜியோவின் அடுத்தகுறி பிஎஸ்என்எல் ?

தோழர் மதிவாணனின் இந்த பேட்டி செய்தி அனைவராலும் பெரும் அளவில் வரவேற்பை பெற்றுள்ளது. அனைத்து வலைதளங்களிலும் இந்த செய்தியை காணலாம். எதிர்வரும் காலத்தில் நடைபெற இருப்பதை படம் பிடித்தாற்போல் நச்சென்று அவர் கூறியிருப்பதால் பலரும் அதிர்ந்து போய் இருப்பது உண்மை. அது அப்படியே வரிவடிவமாக சங்கமுழக்கம் இதழில் வெளிவந்துள்ளது பாராட்டத்தக்கது.

செய்தி - 4  நாட்டு நடப்பு நல்லா இல்லீங்கோ !

இந்த தலைப்பு ஏதோ சினிமா செய்தியின் தலைப்பு போல் இருந்தாலும்  சமூகத்தில் நிலவும் அவலநிலை மற்றும் உண்மை செய்திகளை வெளியிட்டுள்ளது.
எட்டுவயது ஆஷிபா என்ற காஷ்மீர சிறுமிக்கு நடந்த பாலியல் கொடுமை;
அதில் மத்தியில் ஆளும் பா.ஜா.க.வின் நிலைமை பற்றி சமூகப்பார்வையுடன் வருத்தமும் கண்டிப்பும் தெரிவித்து எழுதப்பட்டுள்ளது. பா.ஜ.க. என்பதற்கு பாலியல் ஜல்ஸா கட்சி என்று பாமரமக்கள் பெயரிடுவார்களோ என்ற நைய்யாண்டித்தனம் வேதனையோடு கூடிய கண்டிப்பு என்பதாக உள்ளது.

செய்தி - 5. காவேரி மேலாண்மை வாரியம் விரைவில் அமைந்திட

நமது ஊழியர்கள் நலனுக்காக மட்டும் என்றில்லாமல் தமிழகத்தின் வாழ்தாரப்பிரச்சனையிலும் எங்களுக்கும் பங்கு உண்டு என்று NFTE / NFTCL  நடத்திய எழுச்சிமிகு ஆர்ப்பாட்டம் படத்தொகுப்புகளுடன் விவரிக்கப்பட்டுள்ளது.

செய்தி - 6  SC/ST வன்கொடுமை தடுப்பு சட்டம்.

சமூகத்தில் அடித்தட்டில் உழலும் கோடானுகோடி மக்களின் மீதான வன்கொடுமைக்கு கடுமையான தண்டனை வழங்கிட வகை செய்யும் சட்டத்தை இந்த தீர்ப்பின் மூலம் உச்சநீதிமன்றம் நீர்த்துப் போகச் செய்துள்ளது.
BJP யினரின் நிலப்பாடு வெட்டவெளிச்சமாகிவிட்டதை தெளிவான சமூகப்பார்வையுடன் ஆதாரத்துடன் ஆசிரியர் விவரித்து குறிப்பிட்டுள்ளது பாராட்டத்தக்கது.


சங்க முழக்கம் வெளியீடு அனைத்து தோழர்களாலும் வாசிக்கப்பட வேண்டும் கருத்துக்கள் உள்வாங்கப்படவேண்டும்- விவாதிக்கப்படவேண்டும் என்ற நோக்கத்துடன் மட்டுமே இந்த செய்தித் தொகுப்பு எழுதப்பட்டுள்ளது.

சங்கமுழக்கத்தின் தொடர் செயல்பாடு கருத்தாயுதப் போராட்டம் மேலும் தொடரட்டும் .....  மேலும் வலுப்பெறட்டும் சங்கமுழக்கம்..எனப்பாராட்டுவோம்....

வெளியீடு : NFTE வடசென்னை மாவட்டம்.