Tuesday, 22 August 2017

இன்று 22-08-2017 வெகு விமரிசையாக நடந்த தோழர்.அசோக்ராஜ் பிரிவு உபசார விழா!!


சீனியர் NFTE தலைவரும் NFTCL அகில இந்திய உதவி தலைவருமாகிய தோழர்.அசோக்ராஜ் அவர்கள் 40 வருடம் சேவை செய்து வரும்  31-08-2017 ஓய்வு பெறுவதை ஒட்டி பாண்டியில் இன்று பிரிவு உபசாரவிழா இனிதே நடைபெற்றது. தோழர்.அசோக்ராஜ் ஒரு தொழிற்சங்க தலைவர் மட்டுமல்லாது கம்யூனிஸ்ட் கட்சியின் தலைவராகவும் விளங்கினார். 

அவர் லைன்ஸ்டாஃப் சங்கத்தில் பல்வேறு நிலைகளில் பொறுப்புகளோடு NFTE சங்கத்திலும் பொறுப்புகளை வகித்தார். அவர் தமிழ்நாடு NFTE சங்கத்தின் பொருளாளராகவும் பொறுப்பு வகித்தார். அவருடைய தொழிற்சங்க சேவையை பாராட்டி தமிழகம் மற்றும் புதுவையிலிருந்து நூற்றுக்கணக்கான  தோழர்கள் கலந்து கொண்டு சிறப்பித்தனர்.

அவரை பாராட்டி பல்வேறு தொழிற்சங்க தலைவர்கள் மற்றும் .PGM/ Puducherry of BSNL அவர்களும் பாராட்டி பேசினார்கள்.

மேலும் இந்த நிகழ்ச்சிக்கும் மூத்த தலைவர் மாலி தலைமையேற்று நடத்தினார். தலைவர்கள் சி.,கே.மதிவாணன், கோவி.ஜெயராமன், ராசசேகரன், வெங்கடாசலபதி, ஆனந்தன், சுந்தரம், பாபநாசம், பாலகண்ணன், பழனியப்பன்,மணி, வி.கே.ஜி,அன்பழகன்,கணேசன்,சுந்தரமூர்த்தி, பாபு,ராமசாமி,இளங்கோவன்,பரிமளம்,குமார், தங்கமணி, ரகுநாதன், ஆறுமுகம், கோதண்டபாணி, போஸ், சேகர், சண்முகம், தர்மதாஸ், சி.பி.ஐ.மாநில செயலர் விஸ்வநாதன், சி.பி.ஐ.அகில இந்திய கவுன்சில் மெம்பர் கலைநாதன், AITUC தலைவர் அபிசேகம் மற்றும் பலர் பேசினார்கள்.

அவரது ஓய்வுகாலம் நலமாக அமைய வாழ்த்துகிறோம்.
Image may contain: 2 people, people smiling
Image may contain: 8 people, people smiling, indoor
Image may contain: 8 people, people smiling, people standing
Image may contain: 7 people, people sitting and indoor
Image may contain: 5 people, indoor
Image may contain: 6 people, people smiling, people sitting
Image may contain: 7 people, people sitting
Image may contain: 4 people, people smiling, people standing and people sitting
Image may contain: 6 people, people sitting
Image may contain: 7 people, people sitting
Image may contain: 9 people, people smiling, people standing
Image may contain: 6 people, people smiling, people standing

Monday, 21 August 2017

ஆகஸ்ட் 21: ஜீவா எனும் மானுடன் பிறந்த நாள் இன்று.. கம்யூனிஸ்ட் இயக்கத்தின் ஜீவன். பாட்டாளிகளின் தோழன். அடக்குமுறைகளுக்கு அஞ்சாத வீரன். கலைகள் பேசிய புலவன். நேர்மையான அரசியலுக்கு இலக்கணமாக இருந்தவன். எளிய மனிதன்... புனிதன்! * ஐந்தாம் ஃபாரம் படிக்கும்போதே பாடல்கள் இயற்றும் திறமை பெற்றிருந்தார். 'காலுக்குச் செருப்புமில்லை... கால் வயித்துக் கூழுமில்லை... பாழுக்கு உழைத்தோமடா... பசையற்றுப் போனோமடா!' என்ற இவரது பாட்டுதான் தமிழகத்தின் உழைக்கும் தொழிலாளர்கள் அனைவரையும் செங்கொடியின் கீழ் திரளவைத்த பாட்டாளி கீதம்! * எவ்வளவு காலம்தான் பேசிக்கொண்டே இருப்பீர்கள்? பொறுப்புகளுக்கு வர வேண்டாமா?' என்று முதலமைச்சர் பி.எஸ்.குமாரசாமி ராஜா கேட்டார். 'ஏழைகளுக்காகப் பேச வேண்டியதுதான், உழைக்க வேண்டியதுதான் சாக வேண்டியதுதான்' என்று தயக்கம் இல்லாமல் பதில் கூறி பதவிகளைத் தட்டிக் கழித்தார்!

Image may contain: 1 person, text

Sunday, 20 August 2017

ஒரு புதிய முறையில் நடைபெற்ற திருமணம் -- தோழர்.மதி பார்வையில்

இன்று நான் ஒரு திருமணத்தில் பங்கேற்று மணமக்களை வாழ்த்துகின்ற சந்தர்ப்பம் கிட்டியது. அது திரு.ஆதவன் மற்றும் திருமதி.நந்தினி இருவருடைய திருமணம் ஆகும். இது ஒரு சுயமரியாதை திருமணம். நமது NFTE கிண்டி தெற்கு கோட்டத்தலைவர் தோழர்.,காளியப்பன் மகன் திருமணம் அது,. தோழர் காளியப்பன் ஒரு தொழிற்சங்க தலைவர் மட்டுமல்ல சாதி மதத்திற்கு அப்பாற்பட்டு செயபடக்கூடிய ஒரு தலைவர். அவருடைய மூத்த மகன் திருமணம்தான் நான் சொல்லும் நிகழ்ச்சி. திருமணத்திற்கு வந்த எவரிடமும் எந்த அன்பளிப்பும் கொடுக்க கூடாது என்று கூறிவிட்டார். பாரம்பரிய தமிழ் கிராமிய பறை ஒலி முழங்க ஒயில் ஆட்டத்தோடு நிகழ்ச்சி துவங்கியது. அதில் மணமக்களை வாழ்த்தி பேசினேன். மணமக்கள் மாலை மாற்றிக்கொண்டு மணவாழ்க்கை உறுதி மொழி ஏற்றுக் கொண்டதோடு திருமண நிகழ்ச்சி  அனைவரது வாழ்த்தோடு நிறைவு பெற்றது. இது போன்ற திருமணங்கள் இனி தொடர வேண்டும் என்பதே என் விருப்பம்

--தோழமையுடன்...சி.கே.மதிவாணன்
Image may contain: 2 people, people standing
Image may contain: 5 people, people smiling
Image may contain: 1 person, crowd
Image may contain: 3 people, people on stage, people standing, shoes and indoor
Image may contain: 1 person, on stage, standing and indoor

Saturday, 19 August 2017

மாநிலப் பொதுக்குழு கூட்டம்

 இன்று சென்னை தொலைபேசி மாநிலப் பொதுக்குழு கூட்டம் சென்னை அண்ணாசாலை இணைப்பக வளாகத்தில் தோழர் மாநிலத் தலைவர் ராமசாமி தலைமையில் நடைபெற்றது.

கூட்டத்தில் NFTCL கொடியேற்றம் மற்றும் நினைவு கல்தூண் திறப்புவிழாவும் நடைபெற்றது. தீர்மானங்களை விளக்கி மாநிலச் செயலர் தோழர் மதிவாணன் சிறப்புரை ஆற்றினார். பிறகு கீழ்கண்ட தீர்மானங்கள் ஒருமனதாக நிறைவேற்றப்பட்டது

     1. மூன்றாவது ஊதிய உயர்வு பிரச்சனை:

     இதில் ஏற்பட்டுள்ள தேக்கநிலை உடைந்திட NFTE சம்மேளனமும் நேஷனல் ஃபோரமும் தகுந்த முன்முயற்சிகளை தாமதமின்றி எடுத்திட இப்பொதுக்குழுக்கூட்டம் வேண்டிக்கொண்டது.
     பட்டினிப்போராட்டம் ஒருநாள் வேலைநிறுத்தம், அமைச்சர்களுடன் சந்திப்பு உள்ளிட்ட பல்வேறு இயக்கங்களை தனித்தனியாக இரண்டு ஃபோரங்களும் நடத்திய பின்பும் அரசின் போக்கில் எவ்வித மாற்றமுமில்லை. இலாபம் ஈட்டாத நிறுவனங்களில் பணிபுரிவோருக்கு ஊதிய மாற்றம் கிடையாது என்ற நிபந்தனையை தளர்த்திடவோ BSNL-க்கு விலக்களிககவோ மைய அரசு சம்மதிக்கவில்லை. நிறுவனமே தனது உபரி நிதியிலிருந்து 15% ஊதிய உயர்வு வழங்கிட அனுமதி கோரியதும் நிராகரிக்கப்படுள்ளது. இந்த சூழலில் இரண்டு ஃபோரங்களும் இணைந்து காலவரையற்ற போரட்டதைத் துவக்கினால் மட்டுமே நமது ஊழியருக்கும் அதிகாரிகளுக்கும் ஊதிய மாற்றம் இனி சாத்தியமாகும்.

     எனவே NFTE-BSNL சம்மேளனம் காலத்தை விரயமாக்காமல் ஒன்றுபட்ட காலவரையற்ற வேலைநிறுத்தத்தை உருவாக்க செயலில் இறங்கிட இப் பொதுக்குழுக்கூட்டம் வேண்டுகோள் விடுக்கிறது,

2. போனஸ்

     பறிக்கப்பட்ட போனஸ் உரிமையை மீட்டெடுத்தது NFTE-BSNL சம்மேளனமே என்று பெருமை பேசுவதால் மட்டுமே இவ்வாண்டுக்கான போனஸை நமது ஊழியர்கள் பெற்றிட முடியாது. கடந்த ஆண்டு போனஸ் இன்னமும் நமக்கு நிலுவையில் உள்ளது. எனவே இவ்வாண்டுக்கான போனஸை வென்றெடுத்திட NFTE-BSNL சம்மேளனம் உடனடியாக செயலில் இறங்க வேண்டும். கடந்த சில ஆண்டுகளாக நமது நிறுவனத்தின் வருவாய் ஓரளவுக்கு உயர்ந்தே உள்ளது. Operational Profit உருவாகியுள்ளது என்றாலும் Net Profit வரவில்லை என்ற பழைய பல்லவியையே நிர்வாகம் பாடுகிறது. இது ஏற்கத்தக்கதல்ல.

     2013 முதல் போனஸ் ஃபார்முலாவை மாற்ற NFTE-BSNL சம்மேளனம் எடுத்த முயற்சிகள் இன்னமும் வெற்றிபெறாதது வேதனை அளிக்கிறது. இதற்கான அமைக்கப்பட்ட குழு நான்காண்டு கழிந்த பின்பும் புதிய ஃபார்முலாவை இறுதி செய்ய தவறிவிட்டது.
“ போனஸ் ஒருபோதும் இனி கிடைக்காது” என நீட்டி முழக்கியவர்களுக்கு போனஸ் உரிமையை நிலை நாட்டுவதில் மெய்யான அக்கறை கிடையாது. அப்படி இருந்திருக்குமானால் அவர்கள் ஆறு ஆண்டுகளாக போனஸ் மறுக்கப்பட்டதை ஏற்றுக்கொண்டு அமைதியாக இருந்திருக்க மாட்டார்கள். நட்டத்தில் இயங்கும் அஞ்சல்துறை ஊழியருக்கு கிட்டும் ரூ.7000 குறைந்தபட்ச போனஸை நமக்கும் கிடைக்க உறுதி செயயவும் போனஸ் ஃபார்முலாவை மாற்றியமைககவும், “ போனஸ் என்பது கொடுபடா ஊதியமே” என்ற கோட்பாட்டை வலியுறுத்திடவும் விரைவாக நடவடிக்கைகள் எடுத்திட சம்மேளன தலைமையை இப்பொதுக்குழுகூட்டம் கோரிகிறது.

3. நான்கு நாள் ஆர்ப்பாட்டம்

     பல மாதங்களுக்கு முன்பே (27-03-2017) நமது மாநிலச் சங்கத்திற்கு உறுதியளித்தபடி கவுன்சில்கள் மற்றும் ஒர்க்ஸ் கமிட்டிகளின் கூட்டங்களை முறையாக நடத்திட CGM தவறிவிட்டார். மாற்றுச் சங்கத்தினர் பெயர்ப்பட்டியல் தரவில்லை என்று சொல்லியே ஓராண்டாய் நிர்வாகம் காலத்தை வெறுமனே கழித்துவிட்டது. ஒரே ஒருமுறை மட்டுமே சர்க்கிள் கவுன்சில் கூட்டம் நடத்தப்பட்டது. பல லோக்கல் கவுன்சில்கள் ஒருமுறைகூட கூட்டவில்லை. இது நாம் ஏற்க முடியாத அணுகுமுறையாகும். எனவே மாநில நிர்வாகம் விதிப்படி செயலாற்றிட வேண்டி CGM அலுவலகம் முன்பு செப்டம்பர் 11 முதல் 14 முடிய கண்டன ஆர்ப்பாட்டங்களை நான்கு மாவட்டச் சங்கத்தின் மூலம் நடத்திட் இப்பொதுக்குழு தீர்மானிக்கிறது. நிர்வாகத்தின் தவறான போக்கில் மாற்றம் ஏற்படவில்லையெனில் மாநிலச் சங்கம் 04-10-2017 முதல் தேவையான போராட்ட இயக்கங்களை துவக்கி நடத்தவும் இப்பொதுக்குழுக் கூட்டம் முடிவெடுக்கிறது.
Image may contain: 6 people, people smiling, people standing
Image may contain: 7 people, outdoor
Image may contain: 6 people, people smiling, people standing
Image may contain: 11 people, people sitting, crowd and outdoor
Image may contain: 8 people, crowd
Image may contain: 6 people, people sitting


NFTCL கொடியேற்றம் மற்றும் கல்வெட்டு திறப்பு விழா


இன்று 19-08-2017  NFTCL  கொடியேற்றமும் கல்வெட்டு திறப்புவிழாவும் விமரிசையாக நடைபெற்றது. அதில் ஒப்பந்த தொழிலாளர்களுக்கு பணித்தன்மையின் அடிப்படையில் திறனுக்கேற்ற கூலி பெற்றுத்தந்தமைக்கு நன்றி தெரிவிக்கும் முகமாக இந்த விழா அண்ணாரோடு NFTCLதோழர்கள் தமிழரசன் மற்றும் தயாளன் அவர்களால் ஏற்பாடு செய்யப்படிருந்தது.
Image may contain: 8 people, people smiling, outdoor
Image may contain: 4 people, people smiling, outdoor
No automatic alt text available.
Image may contain: 8 people, people standing, crowd and outdoor
Image may contain: 15 people, people smiling, people standing, crowd and outdoor



Friday, 18 August 2017

விடியலை நோக்கி

Related image

சென்னை தொலைபேசி செங்கை மாவட்டத்தை  சேர்ந்த 53 தற்காலிக காசுவல் மஸ்தூர்களை வேலையைவிட்டு நீக்கிய CAT தீர்ப்பை எதிர்த்து நாம் தொடர்ச்சியான போராட்டம் நடத்தியதன் காரணமாக இன்றுவரை அதனை தடுத்து நிறுத்தி இருக்கிறோம் என்பது அனைவருக்கும் தெரியும்.

அதிகமான தோழர்கள் வயது ஐம்பதை தாண்டியும்விட்டார்கள் என்பது வேதனையான விஷயம். மேலும் இருவர் அறுபதை கடந்து ஓய்வும் பெற்றுவிட்டார்கள் இருவர் இந்த வழக்கு நடைபெற்று கொண்டிருக்கும்போதே இறந்து விட்டார்கள் என்பது கொடுமையிலும் கொடுமை.

 

அவர்களது வழக்குதான் என்ன? அந்த மஸ்தூர்கள் அனைவரும் யாரோ கூறியதை கேட்டுக்கொண்டு தவறான வயதினை கொடுத்து சேர்ந்துவிட்டு பிறகு தங்களது சரியான பிறந்த தேதிக்கான சர்டிபிகேட்களை கொடுத்துள்ளனர். ஆனால் அவர்கள் நமது இலாகாவில் சுமார் 25 முதல் 30 வருடமாக வேலை செய்து கொண்டு இருக்கின்றனர். இப்போது தீடிரென்று அவர்களை வீட்டுக்குப்போ என்று சொன்னால் அவர்கள் என்ன செய்வார்கள்? அவர்களது பிள்ளைகுட்டிகள் என்ன செய்யும். சிந்திக்க வேண்டாமா? இதனை மனிதாபிமானத்தோடு அணுகாமல் சட்டப்படி அணுகுவது சரியா? இத்தனை நாளாக அவர்களது உழைப்பு  BSNL-க்கு மட்டுமே பயன்பட்டிருக்கிறது என்பதை மறுக்க முடியுமா? நாங்கள் வேண்டுவது இதுதான்,,,,,,தயவுசெய்து அவர்களை இன்னும் சிறிது ஆண்டுகள் அதாவது வயது 60 வரை வேலை செய்ய அனுமதியுங்கள்

 



சென்னை தொலைபேசி நிர்வாகம் இதனை முன்னதாகவே கார்ப்பரேட் அலுவலுகம் எடுத்து சென்றுள்ளது. எதிர்மறையான சட்ட முடிவை எதிர்த்து ஒரு நல்ல முடிவை எதிர்நோக்கி சென்னை நிர்வாகம் செயல்பட முடிவு செய்த்தையே இது காட்டுகிறது. NFTE சங்கம் இதற்கு உடனடி முக்கியத்துவம்  அளித்து நிர்வாகத்திற்கு எடுத்துச் செல்ல வேண்டும். அந்த அப்பாவி தொழிலாளிகளுக்கு ஒரு நம்பிக்கையை அளிக்க வேண்டும் என்பதே நமது ஆசை.. நிறைவேறுமா? பொறுத்திருந்து பார்ப்போம். நல்லதே நடக்கும் என நம்புவோம்.

Image may contain: 2 people, people smiling, text

Wednesday, 16 August 2017

மாநிலப் பொதுக்குழு கூட்டம்


சென்னையில் பெய்து வரும் கன மழையின் காரணமாக நாளை நடைபெறுவதாக இருந்த பொதுக்குழு கூட்டம் வரும் சனிக்கிழமை 19-08-2017 நடைபெறும் என மாநிலச் சங்கம் தெரிவித்துள்ளது.

இடம் மாற்றப்பட்டு அண்ணாரோடு தொலைபேசி நிலைய வளாகத்தில் மதியம் 3 மணிக்கு நடைபெறும். 

அதேநேரத்தில் NFTCL கொடியேற்றம் மற்றும் நினைவு கல்தூண் திறப்புவிழாவும் நடைபெறும். 

அனைத்து உறுப்பினர்களும் இந்த மாற்றத்தை கவனத்தில் கொள்ளவும்.


---NFTE-BSNL  சென்னை தொலைபேசி 
மாநிலச் செயலர்.

Tuesday, 15 August 2017


இன்று தனது 40வது திருமண நாளை கொண்டாடும் நமது மாநிலச் செயலர் மதிவாணன் அவர்களுக்கு எங்களது இனிய திருமண நாள் வாழ்த்துக்கள். ஆகஸ்ட் 15 சுதந்திர நாளில் மூத்த அகில இந்திய கம்யூனிஸ்ட் கட்சித் தலைவர் தலைமையில் ராகு காலத்தில் எளிமையாக நடந்த சாதி, மொழி கடந்த திருமணம். வெற்றிகரமான ஆதர்ஸ தம்பதிகளுக்கு நல்வாழ்த்துக்கள்.

Image may contain: 10 people, people standing

அனைவருக்கும் சுதந்திரதின நல்வாழ்த்துக்கள்..வரலாற்றில் இன்று - ஆகஸ்ட் 15, 1947 அன்று பிரதமர் ஜவஹர்லால் நேரு புது டெல்லியில் செங்கோட்டையில் மூவண்ணக் கொடியேற்றினார். அன்றைய தினம் மகாத்மா காந்தி எங்கிருந்தார், என்ன செய்துகொண்டிருந்தார்? அன்று மகாத்மா காந்தி சுதந்திர தினக் கொண்டாட்டத்தில் ஈடுபட்டிருந்திருப்பார் என்று நீங்கள் நினைக்கலாம். ஆனால், அதுதான் இல்லை. அன்றைய தினம் அவர் புது டில்லியிலேயே இல்லை. அன்றைய தினம் கல்கத்தாவில் போராட்டத்தில் ஈடுபட்டிருந்தார். இந்தியா-பாகிஸ்தான் பிரிவினையின்போது நடந்த மதக் கலவரங்களுக்கு எதிராக கல்கத்தாவில் ஹைதரி மாளிகையில் நூல் நூற்றபடி பிரார்த்தனையில் இருந்தார். அதோடு உண்ணாவிரதமும் இருந்தா

Image may contain: 6 people, people sitting
டெல்லி செங்கோட்டையில் அதிக முறை தேசியக் கொடி ஏற்றிய இந்திய பிரதமர் யார் தெரியுமா? ஜாவஹர்லால் நேரு. இவர் 17 முறை தேசியக் கொடியை ஏற்றியிருக்கிறார். செங்கோட்டையில் முதன் முறையாக கொடியேற்றியவரும் அவரே !
Image may contain: 1 person, outdoor

Monday, 14 August 2017

யெச்சூரிக்கு விடைகொடுத்தது நாடாளுமன்றம்


12 ஆண்டுகால நாடாளுமன்றப் பணியை ஆகஸ்ட் 11 வெள்ளியன்று நிறைவு செய்தார் மார்க்சிஸ்ட் கம்யூனிஸ்ட் கட்சியின் பொதுச் செயலாளர் சீத்தாராம் யெச்சூரி. இதையொட்டி மாநிலங்களவையில் அவருக்கு பிரியாவிடை கொடுக்கும் சிறப்பு அமர்வு நடைபெற்றது. அவை முன்னவரும் மத்திய நிதி அமைச்சருமான அருண்ஜெட்லி, எதிர்க்கட்சித் தலைவர் குலாம்நபி ஆசாத் உள்பட அனைத்துக் கட்சித் தலைவர்கள், சீத்தாராம் யெச்சூரியின் நாடாளுமன்றப் பணிகள் குறித்தும் அவரது அறிவுச்செறிவுமிக்க உரைகள் குறித்தும் தனது பதவிக்காலம் முழுவதும் இந்திய தொழிலாளி வர்க்கத்தின் நலன்களை உயர்த்திப் பிடித்த பாங்கு குறித்தும் உழைக்கும் வர்க்கத்திற்காக அவர் ஓயாது முழக்கமிட்ட தருணங்கள் குறித்தும் பாராட்டிப்பேசினர். அதை ஏற்றுக்கொண்டு சீத்தாராம் யெச்சூரி நன்றி தெரிவித்து நிறைவுரை நிகழ்த்தினார். அந்த உரையின் அம்சங்கள் வருமாறு:
என்னைப்பற்றி மாண்புமிகு அவைத்தலைவர் (அருண்ஜெட்லி), எதிர்க்கட்சித் தலைவர் (குலாம்நபி ஆசாத்) மற்றும் பெருமதிப்பிற்கும் மரியாதைக்கும் உரிய சக உறுப்பினர்கள் ராம் கோபால் யாதவ் ஜி உட்பட அனைத்து உறுப்பினர்களும் ஆற்றிய உரைகள் என் நெஞ்சைத் தொட்டுவிட்டன.
நீங்கள் அனைவருமே என் பங்களிப்பினை மிகவும் சரியானமுறையில் மதிப்பிட்டிருக்கிறீர்கள். துணைத் தலைவர் உட்பட எனக்கு அளவுக்கு மீறிய அளவிற்கு நேரம் ஒதுக்கி நான் கூறுவதையெல்லாம் பொறுமையாகக் கேட்டமைக்காக, முதற்கண் என் நன்றிகளைத் தெரிவித்துக் கொள்கிறேன். பல சமயங்களில் நான் அவைத் தலைவரின் பொறுமையை சோதித்திருக்கிறேன். ஆனாலும் எனக்கு வாய்ப்பு அளித்தமைக்காக தலைவர் அவர்களுக்கும், இந்த அவைக்கும் என் நன்றியைத் தெரிவித்துக் கொள்கிறேன்.
இந்த மாபெரும் அவையில் 12 ஆண்டுகாலப் பணி என்பது, உண்மையில் என்னைப் பொறுத்தவரை, மிகவும் முக்கியமான பல அனுபவங்களைக் கற்றுக்கொண்ட காலமாகும். நம் நாட்டின் மிகவும் முக்கியமான அரசியல் நிகழ்ச்சிப்போக்குகள் நடைபெற்ற மிகவும் முக்கியமான காலமும் இது என்றே நான் கருதுகிறேன். அத்தகையதொரு கால கட்டத்தில் என்னால் இயன்ற அளவிற்கு இந்த அவையில் என் பங்களிப்பினைச் செய்வதற்கு வாய்ப்பு கிடைத்தது என்றே கருதுகிறேன்.
முதல் நுழைவு...
நான் இந்த அவைக்கு மிகவும் தயக்கத்துடன்தான் வந்தேன்.2001ஆம் ஆண்டில் குஜராத்தில் மிகப்பெரிய பூகம்பம் ஏற்பட்டது, உங்களுக்கு நினைவிருக்கும். எங்கள் கட்சியின் சார்பில் நிவாரணப்பணிகளுக்காக நான் அங்கே அனுப்பி வைக்கப்பட்டேன். நாங்கள் அங்கே ஒரு காலனியையும் கட்டினோம். நிருபென் பட்டேல் என்ற பெயரில் அமைக்கப்பட்ட அந்தக் காலனி இப்போதும் அங்கே இருக்கிறது. அங்கிருந்து நான் திரும்பியபிறகு, அப்போதைய பிரதமர் அடல் பிகாரி வாஜ்பாய் அவர்களால் அனைத்துக் கட்சி கூட்டம் நாடாளுமன்ற வளாகத்தில் ஏற்பாடு செய்யப்பட்டிருந்தது. எங்கள் கட்சியின் பொதுச் செயலாளராக இருந்த தோழர் ஹர்கிஷன்சிங் சுர்ஜித், அந்தக் கூட்டத்தில் என்னைப் பங்கேற்குமாறு அனுப்பி வைத்தார்.நானும் இங்கே நாடாளுமன்ற வளாகத்திற்குள் வந்தேன். முதல் மாடி வரைக்கும் நடந்தே சென்றுவிட்டேன்.
லிப்டுக்காகக் காத்துக் கொண்டிருந்தபோது, எதிர்பாராவிதமாக பிரதமர் வாஜ்பாய் வெளியே வந்தார். ‘ஓ, சீத்தாராம் ஜி, நீங்கள் ஹவுசுக்கு வருவதாக ஹவுஸ் மேனேஜர் என்னிடம் சொல்லவே இல்லையே’ என்றார். அப்போது ‘ஹவுஸ்’ என்றால் என்ன பொருள் என்று எனக்குத் தெரியாது. மக்களவையும், மாநிலங்களவையும் ஆங்கிலத்தில் ‘ஹவுசஸ்(ழடிரளநள)’ என்று குறிப்பிடப்படும் என்று அதுவரை எனக்குத் தெரியாது. பின்பு அவருடன் சென்றுவிட்டேன். இதுதான் அன்றைய தினம் ‘ஹவுஸ்’ குறித்து எனக்கிருந்த புரிதல்.ஆனால் இங்கே வந்தபின், எண்ணற்ற அனுபவங்கள். நான் நிறையவே கற்றுக்கொண்டிருக்கிறேன். நான் முதன்முதலாகத் தேர்வு செய்யப்பட்டபோது, பைரோன் சிங் செகாவத் மாநிலங்களவைத் தலைவராக இருந்தார். ரகுமான் கான் சாஹேப் துணைத் தலைவர்.
யோகேந்திர நாராயண், செக்ரடரி ஜெனரல். பின்னர் விவேக் அக்னிஹோத்ரி. அவரும் என் மாமாவும் ஐஏஎஸ் ஒன்றாகப்படித்தவர்கள். அந்தமுறையில் அவர் எனக்கு மிகவும் நெருங்கிய நண்பரானார். பின்னர் சும்ஷேர் ஷெரீப். இவர் ஐஏஎஸ் அதிகாரியாக இருந்தபோதே எனக்கு நன்கு தெரியும். அடுத்து நீங்கள் (துணைத்தலைவர் பி.கே.குரியன்).இப்போது நான் பேசும்போதுகூட மணியை அடிக்கலாமா என்று உங்கள் கைகள் பரபரத்துக் கொண்டிருப்பதைப் பார்க்கிறேன்.
அவுட் சோர்சிங் வேண்டாம்
அடுத்து உங்கள் அருகே நிற்கும் ஊழியர்கள். நாங்கள் எங்கள் கைகளில் உள்ள தாளைக் காண்பித்தால், எங்கிருந்துதான் வருவார்களோ தெரியாது, வந்து, எங்களுக்கு வேண்டிய உதவிகளைச் செய்துவிட்டுச் செல்வார்கள்.மகளிர் இட ஒதுக்கீடு சட்டமுன் வடிவுஇந்த அவையில் நிறைவேற்றப்பட்ட போது, மார்ஷல்கள் எந்த அளவிற்கு உதவினார்கள் என்பதை என் வாழ்நாள் முழுவதும் மறக்க முடியாது.நான் இங்கே அரைவட்ட மேசையின்முன் அமர்ந்திருக்கிற ஊழியர்களுக்கும் தலைவணங்கு கிறேன். இவர்களை நாம் நிருபர்கள் என அழைக்கிறோம். உலகின் தலைசிறந்த அதிவேக சுருக்கெழுத்தாளர்கள் என்று அவர்களை நான் மதிப்பிடுகிறேன். (உறுப்பினர்கள் மேசையைத்தட்டி ஆமோதிக்கிறார்கள்).
குலாம் நபி ஆசாத் (எதிர்க்கட்சித் தலைவர்): சந்தேகமில்லை, சந்தேக மில்லை.
மற்றும் பல உறுப்பினர்கள்: இதில் சந்தேகத்திற்கே இடமில்லை.
சீத்தாராம் யெச்சூரி: என்னுடைய உரை அடுத்தநாள் திருத்தத்திற்காகஎன்னிடம் வரும்போது, அதில் நான்பேசும்போது ஏதாவது தவறு செய்திருந்தால் அந்த தவறுதான் இருக்குமேயொழிய, நிருபர்களின் தவறு என்று அநேகமாக எதுவும் இருக்காது. அப்படியே இருந்தாலும் மிகவும் அரிதிலும் அரிதாகத்தான் இருக்கும். அவர்கள் அனைவருக்கும் மற்றும் மாநிலங்களவை ஊழியர்கள் அனைவருக்கும் என் நன்றிகளைத் தெரிவித்துக் கொள்கிறேன்.
என் முதல் வேண்டுகோள்
இந்த சமயத்தில் உங்களிடம் ஒன்றை தெரிவித்துக்கொள்ள விரும்புகிறேன். ஊழியர்கள் நியமனத்தை தனியாரிடம் தாரைவார்த்திடவும், அவுட்சோர் சிங் விடவும் நடவடிக்கைகள் மேற்கொள் ளப்பட்டு வருவதாக அறிகிறேன். அவ்வாறு நாடாளுமன்றத்தையே அவுட்சோர்சிங் விடுவதற்கு கொண்டு சென்று விடாதீர்கள். அவ்வாறு நடக்காது என்றே நம்புகிறேன். இந்த ஊழியர்கள்தான், இந்த அவை, பயங்கரவாதிகளால் தாக்குதலுக்கு உள்ளானபோது, தங்கள் உயிரைப் பலி கொடுத்து, இந்த அவையைக் காப்பாற்றியவர்கள். நாம் நன்கு செயல்பட அவர்கள் நமக்கு அனுமதி அளித்துள்ளார்கள்.
சில சமயங்களில் அதிகாலை 2 மணி வரைக்கும்கூட அவை நடந்திருக்கிறது. அவர்கள் நமக்கு உணவு அளித்திருக்கிறார்கள். அவர்கள் நம்மைப் பாதுகாத்திருக்கிறார்கள். ஊழியர்களின் நலன்கள் குறித்தும் கவனம் செலுத்த வேண்டும். ஏனெனில் இவர்கள்தான் இந்த அவையின் முதுகெலும்பு. கண்ணுக்குத்தெரியாத வகையில் முதுகெலும்பாக வேலை செய்து கொண்டிருக்கிறார்கள். இதுவே என் முதல் வேண்டுகோளாகும்.
நாட்டுக்காகச் சேவை
நமக்கு வேலை செய்த அதிகாரிகளைநாம் நன்கு வைத்துக் கொள்ள வேண்டும்.நமது செக்ரடரி ஜெனரல் ஐஏஎஸ், ஐஎப்எஸ், ஐபிஎஸ் பணிகளிலிருந்து வந்தவர். சர்தார் பட்டேல் இத்தகைய அதிகாரிகளை ‘உருக்கு மனிதர்கள்’ என்று அழைப்பார். அவர்கள்தான் நம் நாட்டை ஒன்றுபடுத்தி வைத் திருக்கிறார்கள்.இன்றைய தினம் நாம் அகில இந்திய மருத்துவ அறிவியல் இன்ஸ்டிட்யூட் (எய்ம்ஸ்) வைத்திருக்கிறோம். ராஜ்குமாரி அம்ரிதா கவுர்ஜி குறித்து நீங்கள் குறிப்பிட்டீர்கள். அவர்கள்தான் அதனை அமைத்தார்கள். அங்கே போய்ப் பாருங்கள். நாளுக்கு நாள் நோயாளிகள் வந்து குவிவதைப் பார்க்க முடியும். ஏன்? ஏனென்றால், தரமானமருத்துவர்கள் அங்கே இருக்கிறார்கள்.
அந்த மருத்துவர்கள் தனியார் மருத்துவமனைக்குச் சென்றாலோ அல்லது துபாய்க்குச் சென்றாலோ கோடிகோடியாகத் திரட்ட முடியும். ஆனால் அவற்றை உதறித்தள்ளிவிட்டு நாட்டுக்காகச் சேவை செய்து கொண்டிருக் கிறார்கள்.இன்றையதினம் நாம் செவ்வாய்க்கிரகத்திற்கு ராக்கெட் அனுப்புகிறோம் என்றால் எந்த வெளிநாட்டு விஞ்ஞானி களின் உதவியாலும் அல்ல. நம் விஞ்ஞானிகள்தான் அந்த சாதனையைப் புரிந்திருக்கிறார்கள். நம் நாட்டின் இத்தகைய உள்ளார்ந்த வலிமையை மேலும் அதிகப்படுத்தும் வண்ணம் இந்த அவை செயல்பட வேண்டும். நாம் எல்லாவற்றிற்கும் வெளிநாட்டவரைச் சார்ந்திருக்கக் கூடாது. நம் நாட்டு மக்களின் பெருமையை மிகச் சரியாகப் புரிந்துகொண்டால்தான் இது சாத்தியமாகும்.
ஒற்றைத் தன்மை திணிப்பு வேண்டாம்
சுவாமி விவேகானந்தர், இஸ்லாமிய உடம்பில் வேதாந்த உள்ளம் குறித்துப் பேசுகிறார். அதுதான் எதிர்கால இந்தியா என்கிறார். இவ்வாறு இந்தியாவின் பலம்என்பது அனைத்துத்தரப்பினரும் பின்னிப்பிணைந்த வளர்ச்சியால் ஏற்பட்டது. இதற்குப் பதிலாக, ஒற்றைத் தன்மையை திணித்திட முயற்சிப்பீர்களேயானால் - அது மதம் சார்ந்த ஒற்றைத் தன்மையாக இருந்தாலும் சரி, அல்லதுமொழிசார்ந்த ஒற்றைத் தன்மையாக இருந்தாலும் சரி, அல்லது கலாச் சாரம் சார்ந்த ஒற்றைத் தன்மையாக இருந்தாலும் சரி. நம்முடைய வேற்றுமை களை நாம் ஒன்றுபடுத்திட முடியாது. அவ்வாறு செய்ய முயற்சித்தால் வெடித்துவிடும். நம் வேற்றுமைகளில் உள்ள பொதுத்தன்மைகளிடையிலான பிணைப்பை வலுப்படுத்துவதன் மூலமாகத்தான் நம் நாட்டை நாம் வலுப் படுத்த முடியும். (Our country can strengthen only when we strengthen the bonds of commonality that run through our diversity.) இவ்வாறு நம்மிடை யிலான பந்தத்தை வலுப்படுத்திடுவதில் நாம் கவனம் செலுத்திட வேண்டும்.
சிறந்ததோர் இந்தியா உருவாக...
இன்று நாட்டின் எதார்த்த நிலைமைஎன்ன? விவசாயிகள் தற்கொலை செய்துகொள்வது தொடர்கிறது. இளைஞர்களுக்கு எவ்வித வேலையும் இல்லை.ஒரு பாதுகாப்பற்ற சூழ்நிலையில் அவர்கள் உழன்றுகொண்டிருக் கிறார்கள். உலகில் அதிக இளைஞர்கள்உள்ள நாடு நம் நாடுதான். நம் இளைஞர்களுக்கு அவர்களுக்கு உரிய கல்வியையும், சுகாதாரத்தையும், வேலையையும் அளித்தோமானால், உலகில் நம்மை விஞ்ச எவராலும் முடி யாது. உலகின் மிகச்சிறந்த அறிவார்ந்த சமூகமாக நாம் மிளிர்வோம். நம்மிடம் அதற்கான சக்தி உண்டு. சிறந்ததோர் இந்தியாவை உருவாக்கிட இவற்றில் தயவுசெய்து கவனம் செலுத்துங்கள்.
அப்போதுதான் எதிர்காலத்தில் நாம் சிறந்ததொரு சமூகத்தையும் உருவாக்க முடியும். ஆம், இதற்கு ஓர் அரசியல் அணுகுமுறை தேவைதான். இதனை எப்படிச் செய்வது என்பது குறித்த ஓர்அரசியல் முடிவினை நாம் மேற்கொள்ள வேண்டும். இதற்குப் பதிலாக நாட்டின்ஒற்றுமையைக் குலைக்க விரும்பு கிறவர்களுக்கு நாம் இடம் அளித்திடக் கூடாது. இதில் சமரசத்திற்கே இட மில்லை.பன்முகக் கலாச்சாரம் என்று பேசிக்கொண்டிருக்கிறோம். இதுதொடர்பாக தனிப்பட்ட முறையில் இந்த அவையில்நான் இதற்கு முன்பேசியதில்லை. இப்போது கூறலாம் என்று கருதுகிறேன். இந்த நாட்டில் என்னைப்போன்றவர்கள் பல லட்சக்கணக்கானோர் இருக் கிறார்கள்.
இதுதான் நம் தேசம்
நான் சென்னையில் பொது மருத்துவ மனையில் ஒரு தெலுங்கு பேசும் பிராமணக் குடும்பத்தில் பிறந்தேன். என் தாத்தா ஒரு நீதிபதி. சென்னையில் இருந்த ஆந்திர அமர்வாயத்தில் நீதிபதியாக பணியாற்றி வந்தார். பின்னர் குண்டூருக்கு மாற்றலாகிச் சென்றார். நான் 1952இல் பிறந்தேன்.
1956இல் ஹைதராபாத்திற்கு எங்கள் குடும்பம் இடம்பெயர்ந்தது. என் பள்ளிப்படிப்பு, ஹைதராபாத்தில் நிஜாம் மன்னரது சமஸ்தானத்தின் கீழ் இருந்த ஒரு இஸ்லாமியக் கலாச்சாரப் பள்ளியில் தொடர்ந்தது. பின்னர் தில்லிக்கு வந்தேன். இங்கே படித்தேன்.எனது மனைவியின் தந்தை இஸ்லாமிய மதத்தில் சுஃபி பிரிவைச் சேர்ந்தவர். அவரது தாயார் மைசூரிய ராஜ்புத் இனத்தைச் சேர்ந்தவர். அங்கிருந்து எட்டாவது நூற்றாண்டில் புலம்பெயர்ந்து வந்தவர்கள். இப்போது நாம் 21ஆம் நூற்றாண்டில் வாழ்ந்து கொண்டிருக்கிறோம்.
என் மனைவி இஸ்லாமிய தந்தைக்கும், ராஜ்புத் தாய்க்கும் பிறந்தவர். தென்னிந்தியபிராமணன் ஒருவன் இந்தப் பெண்ணைத் திருமணம் செய்துகொண்டிருக்கிறேன். என் மகனை எப்படி அழைப்பது? அவன் யார்? அவன் முஸ்லிமா? அவன் இந்துவா? அவன் யார்? அவனை இந்தியன் என்று சொல்வதைத் தவிர வேறெப்படியும் அழைத்திட முடியாது. இதுதான் நம் தேசம். இதுவே என் எடுத்துக்காட்டு. நான் என்னை ஓர் உதாரணமாக உங்களிடம் சொல்லி இருக்கிறேன். இதுதான் இந்தியா.இத்தகைய இந்தியாவைப் பாதுகாக்க வேண்டிய அவையில் நாம் வீற்றி ருக்கிறோம். இத்தகைய இந்தியாவை நாம் பேணிப் பாதுகாத்திட வேண்டும்.இது நடைபெறும் என்று நாம் நம்புவோம். இந்த வாய்ப்பை நல்கியமைக்காக நன்றி தெரிவித்து விடைபெறு கிறேன்.
தமிழில்: ச.வீரமணி

· வரலாற்றில் இன்று - ஆகஸ்ட் 14 - இந்தியா மற்றும் இந்தியாவிலிருந்து மத அடிப்படையில் பிரிக்கப்பட்ட பாகிஸ்தான் ஆகிய இரு நாடுகளுக்கும் பூரண விடுதலை அளிப்பதென பிரிட்டிஷ் பாராளுமன்றத்தில் நிறைவேற்றப்பட்ட தீர்மானப்படி இவ்விரு நாடுகளுக்கும் 1947ம் ஆண்டு ஆகஸ்ட் மாதம் விடுதலை அளிக்கப்பட்டபோதிலும் சில நிர்வாக காரணங்களுக்காக பாகிஸ்தானுக்கு ஒரு நாள் முன்னதாகவே ஆகஸ்ட் 14ம் தேதி விடுதலை அளிக்கப்பட்டது. இந்த பாகிஸ்தானில் கிழக்கு பாகிஸ்தான் என அழைக்கப்பட்ட கிழக்கு வங்காளமும் அடங்கும். இந்த கிழக்கு பாகிஸ்தான் அல்லது கிழக்கு வங்காள தேசம் பாகிஸ்தானிலிருந்து பிரிந்து வங்காள தேசம் என்ற புதிய நாடாகிவிட்டது. அந்நாட்டில் தற்போது ஆகஸ்ட் 14 விடுதலை நாளாக கொண்டாடப்படுவதில்லை.

No automatic alt text available.

Sunday, 13 August 2017

வரலாற்றில் இன்று ஆகஸ்ட் 13, 1926 – கியூபாவின் நீண்டநாள் அதிபரான ஃபிடல் காஸ்ட்ரோ பிறந்தார். 'க்யூபா என்ற தேசத்தின் பெயர் நமக்குப் பரிச்சயமாகக இருப்பதற்குக் காரணம், ஃபிடல் காஸ்ட்ரோ. அவர் இல்லாது போயிருந்தால் அத்தேசம் அமெரிக்காவின் இன்னொரு மாநிலமாகியிருக்கும். காஸ்ட்ரோ ஒரு பிறவி புரட்சியாளர். அவரது புரட்சி மனப்பான்மையின் வேர், அவரது விடுதலை வேட்கையில் இருந்தது. சோவியத் யூனியனே சிதறிப் போன பிறகும், இன்று வரை க்யூபா ஒரு கம்யூனிச தேசமாக உய்ரித்திருப்பதற்கும், இந்த வினாடி வரை அமெரிக்காவால் அசைத்துப் பார்க்க முடியாத இரும்புக் கோட்டையாகத் திகழ்வதற்கும் ஒரே காரணம், ஃபிடல் காஸ்ட்ரோ.

Image may contain: 1 person, beard and close-up

Wednesday, 9 August 2017



கடந்த சில வாரங்களாக நாம் சில காட்சிகளை டெல்லியில் பார்த்து வருகிறோம். மூன்றாவது ஊதிய கமிஷன் அமைக்க வேண்டி ஊழியர் அமைப்பின் தலைவர்கள் மத்திய மந்திரிகளை சந்தித்து கோரிக்கை மகஜர் தருவதும் அதனை பெற்ற அமைச்சர் நிச்சயமாக கவனிக்கிறேன் என்ற வாக்குறுதி தருவதும் போன்ற நிகழ்வுகள் நடந்து வருகின்றன. இது ஊழியர்கள் மத்தியில் ஒரு பொய்யான தோற்றத்தினை அல்லது பிமபத்தினை உருவாக்குவதை தவிர்க்க இயலாது. நிச்சயமாக நமக்கு இவர்கள் புதிய ஊதியத்தினை பெற்று தந்துவிடுவார்கள் என்ற நம்பிக்கையை ஊழியர் மனதில் விதைக்கப்படுகிறது.

 ஆனால் உண்மை நிலை என்ன? கடந்த முறை கூடிய மத்திய அமைச்சரவை கூட்டம் மூன்றாவது ஊதிய கமிஷன் அமைப்பதற்கு சில நிபந்தனைகளை விதித்துள்ளது. அவைகளை நமது ஊழியர் மற்றும் அதிகாரிகள் சங்கங்கள் ஒன்றிணைந்து போராடிதான் மாற்றவோ அல்லது திருத்தவோ முடியும் என்பதுதான் நிதர்சனம். எந்த அமைச்சரும் அமைச்சரைவையின் முடிவை மீறி அரசின முடிவை எதிர்த்து நம் மீது கருணை கொண்டு இதற்கு உதவுவார்கள் என்று நம்புவது பேதமை ஆகும். எனைன்றால் அந்த அமைச்சர் அரசின முடிவிற்கு கட்டுபட்டவர். அதனை மீறி எதுவும் செய்யமுடியாது.


அதில் உள்ள முக்கிய ஷரத்து ஆகிய தொடர்ச்சியாக மூன்று வருடம் லாபம் சம்பாதித்த நிறுவனமே புதிய சம்பள விகிதம் பெற தகுதி பெற்றதுஎன்பதை நமது ஒன்றுபட்ட போராட்டத்தின் மூலமாகத்தான் முறியடிக்க முடியும்.

இதற்கு நாம் BSNLEU அமைத்துள்ள ஃபோரத்தையும்  சேர்த்துக் கொண்டுதான் போராடவேண்டும். நாம் அவர்கள் நடத்திய ஒருநாள் வேலை நிறுத்தம் 27-07-2017 அன்று கலந்து கொள்ளவில்லை. ஏனைன்றால் ஒருநாள் போராட்டம் மூலமாக இதனை நாம் சாதிக்கமுடியாது என்றே ஒரே காரணம்தான் என்பதை அனைவரும் அறிவர். அதனை நாம் ஒரு எதிர்ப்பாக வேண்டுமானால் எடுத்துக் கொள்ளலாம்.

ஆனால் இப்போது நாம் நமது ஊழியர்/அதிகாரிகள் கூட்டமைப்பின் தலைவர்களை வேண்டிக்கொள்வது என்னவென்றால், தயவுசெய்து  BSNLEU அமைத்திருக்கும் கூட்டணி தலைவர்களுடன் பேச்சு வார்த்தை நடத்தி ஒரு ஒன்றுபட்ட போராட்டத்திற்கு வழி வகை செய்யுங்கள். அதன் மூலமே நாம் மூன்றாவது ஊதிய விகித்த்தை  01-01-2017 முதல் பெற முடியும். ஆயிரக்கணக்கான தோழர்கள் மாதாமாதம் ஓய்வு பெற்று வருகிறார்கள். அதிலும் இன்று வேலை செய்பவர்களில் நான்காவது சம்பள விகிதம் பெற இருப்பவர்களை விரல் விட்டு எண்ணிவிடலாம். ஆதலால் இப்போது இருப்பவர்களுக்கு புதிய சம்பளம் பெற்றுத் தருவது தலைவர்களின் தலையாய  கடமை ஆகும்.


இந்த சூழ்நிலையில் நாம் ஒரு ஒன்றுபட்ட ஒற்றுமையை கட்டி போராட்ட்த்தை வடிவமைக்கவேண்டும். நமது தானைத் தலைவர் O. P.குப்தா அமைச்சர்களை சந்தித்து மகஜர் கொடுத்து எதனையும் சாதிக்கவில்லை. ஊழியர்களை ஒன்று திரட்டி ஊழியருக்கு இழைக்கப்பட்ட அநியாயங்களுக்கு எதிராக குரல் கொடுத்தார். அவரது வழியை பின்பற்றி நாம் போராட்டங்களை வடிவமைத்தால் வெற்றி பெறுவது உறுதி.

வெளியீடு: 
NFTE-BSNL 
சென்னை தொலைபேசி மாநிலம்

Image result for unity is strength  images

ஒன்றுபடுவோம்!
போராடுவோம்!
வெற்றி நமதே!